حمدان بن زايد
يا حَيّ طَاري الشَّيخ حَيّاه أفِزّ يوم النّاس تَطْريه
واشْتَاق وَصْله واتمنّاه واحب شوفه يوم باييه
والله انّي ارقب واتريّاه اليوم لَي بايّي والاقيه
وإذا زِقَر باسْمي ونَاداه أفِزّ له واقول لَبّيه
حمدان يوم ايْمدّ يمناه ألقى السّعَد في لمس اياديه
وارتاح له يوم اجلس حذاه وبكلّ ادَب يحكي واحاكيه
واحِبّ والله اكسب رضاه لانّه ملَكْني بكلّ ما فيه
بالطيب مَعْ حِسن الملاقاه وبالجود ومَا تَحْوي معانيه
حمدان لَي حلوه سجاياه خيّر ولا تخفَى مواريه
والخَير بَيّن في محيّاه والعطف كلّه من مباديه
والعَدل وحتّى الحق يهواه والصدق طَبْعه ما يخلّيه
بالعَزْم دَرب المجد يشعاه يرقاه لو صعبه مراقيه
حمدان بن زايد عطاياه عن رَمْسة المدّاح تغنيه
يا كم طلبت الله وأرجاه وياكم في الصّلاة أناجيه
ايحَفظ
الشّيخ ودوم يحماه والنا ع طول الوقت
يبقيه
علي أحمد الكندي المرر
